• Fengið kynningu á EntreComp rammanum: The Entrepreneurial Competence Framework ramminn býður öflugasta og áreiðanlegasta líkanið fyrir menntun og þjálfun frumkvöðlahæfileika
• Fengið nýjar hugmyndir að tækifærum óáþreifanlegs menningararfs : Þessi kafli fjallar um fyrstu stoð þjálfunarsviða EntreComp: HUGMYNDIR OG TÆKIFÆRI. Lesendur geta fundið nýjar og áhugaverðar uppsprettur innblásturs til að styrkja frumkvöðlastarf sitt sem tengist  óáþreifanlegum menningararfi 
• Hæfni til að nýta sér nýsköpun í óáþreifanlegum menningararfi: Í síðasta kaflanum munu lesendur kynnast hagnýtri þekkingu sem þeir geta gert tilraunir með til að auka meðvitund sína um nýköpun tengdri óáþreifanlegum menningararfi

Fyrstu vísar að EntreComp urðu til fyrir árið 2016

Í lok árs 2006, birti The Official Journal of the European Union lykiltilmæli frá Evrópuþinginu og Evrópuráðinu fyrir öll aðildarríki, með sérstakri áherslu á styrkingu lykilhæfni fyrir alla sem hluta af símenntunaráætlunum þeirra.

Landsáætlanir ættu að samræmast „Ramma um lykilhæfni fyrir símenntun“ eins og lýst var í áætluninni sjálfri.

Rammi um lykilhæfni fyrir símenntun 

Ramminn um lykilhæfni fyrir símenntun tekur einkum á fjórum meginþáttum:

Framtak og frumkvæði

Byggt á fyrrgreindum markmiðum, leggja Evrópuþing og Evrópuráð til átta lykilhæfnisvið sem símenntunarramminn tekur til:

1. Samskipti á móðurmálinu

2. Samskipti á erlendum tungumálum

3. Stærðfræðikunnátta og grunnfærni í vísindum og tækni

4. Stafræn hæfni

5. Að læra að læra

6. Félagsleg og borgaraleg hæfni

7. Frumkvæðis- og frumkvöðlavitund

8. Menningarvitund og tjáning

Byggt á þrem lykilhugtökum símenntunráætlunarinnar eru settir fram tveir megin rammar menntunar, þjálfunar og símenntunar:

Ólíkt DigComp (The Digital Competence Framework for Citizens) sem er endurskoðað reglulega af JRC (sameiginlegri rannsóknarmiðstöð framkvæmdastjórnar Evrópusambandsins) hafa ekki orðið miklar breytingar á EntreComp eftir útgáfu hvað varðar uppbyggingu og innihald.

Þó getum við ekki sleppt því að minnast á tvær áhugaverðar útgáfur , þ.e. frá 2018 og 2020: 

EntreComp í framkvæmd fylgdi í kjölfarið tveimur árum eftir upphaflega útgáfu rammans og er ætlað að þjóna  sem eins konar handbók fyrir hagsmunaaðila á sviði menntunar og þjálfunar til að nota EntreComp í starfi sínu.

Það felur í sér ítarlegar leiðbeiningar um rammann og tækifæri hans frá endurtekningu og flutningi inn í menntaumhverfi - skóla og framhaldsskóla, háskólasamfélög, starfsmenntun og fullorðinsfræðslu - og nær yfir mjög fjölbreytt viðfangsefni.

Það sem meira er, EntreComp í framkvæmd, útlistar fjölda verkefna sem framkvæmd voru á vettvangi ESB og á milli landa sem framkvæmdastjórn Evrópusambandsins valdi sem dæmi fyrir notkun hans. Notendur geta nýtt sér reynslu annarra til að leita að bestu starfsvenjum og frekari innblæstri.

Hægt er að nýta EntreComp ramman í frumkvöðlastarfi með óáþreifanlegan menningararf og menningu.

Þannig er hægt að nota EntreComp til að framkvæma sjálfsmat og meta faglega hæfni sína til að vera skilvirkari almennt en einnig skilvirkari í starfsemi sinni, verkefnum og heildarframmistöðu.

Hér munum við einbeita okkur að skipulagningu og framkvæmd viðskiptahugmynda og skoða eitt ákveðið sjónarhorn EntreComp: HUGMYNDIR OG TÆKIFÆRI

Með því að minna á sjöundu hæfnina úr símenntunarrammanum sem Evrópuþingið og Evrópuráð ESB mælir með, kveður stefnuskrá á um frekari sundurliðun á frumkvæðisvitund og frumkvöðlaskap.

Athugasemdir gefa til kynna að kjarninn í þessari hæfni snýst um getuna til að bera kennsl á möguleg tækifæri fyrir persónulega, faglega og/eða viðskiptalega starfsemi, þar með talið málefni „heildarmyndarinnar“ sem skapa samhengið sem fólk lifir og starfar í.

Um er að ræða 15 lykilhæfniviðmið sem dreift er á þrjú lykilsvið þjálfunar (sjá næstu glæru):

Framtaksemi og frumköðlahæfni er skipt niður í:

→ Þrjú þjálfunarsvæði…

  →  …hvert þeirra inniheldur fimm hæfniþætti…

   → 60 þræði þar sem fjallað er um hæfniþættina (og hvað sá þáttur stendur fyrir í reynd)

   → sem hægt er að meta með 8-þrepa færniviðmiði…

EntreComp’s training areas and competences associated to them

Í fyrsta hluta EntreComp rammans verður farið í gegnum hverja hæfni og þræði hverrar hæfni til að hjálpa viðkomandi að tileinka sér nýja nálgun á frumkvæði sem byrjar á gagnrýnni hugsun um ný skapandi tækifæri fyrir óáþreifanlegan menningararf.

Til að fá frekari innsýn í þræði annarra hæfnisviða er mælt með því að notendur skoði D-hluta EntreComp (síða 178).

Að koma auga á, skapa og grípa tækifæri

Að koma auga á og skapa tækifæri þýðir að þróa gagnrýni fyrir umhverfinu, á sama tíma og hægt er að beita mismunandi aðferðum til að skapa verðmæti.

Tækifærin eru ekki aðeins í hagnaðarskyni, því í skilningi EntreComp eru tækifæri einnig hugsuð sem félagsleg, menningarleg og efnahagsleg og nýtast til að skapa ávinning fyrir samfélagið.

Aðferðafræðin á að vera greinandi, hagnýt og markmiðamiðuð. Hins vegar er fólk eindregið hvatt til að gera tilraunir með sköpunargáfu sína og frjóa hugsun til að vera betur í stakk búinn til að efla nýsköpun og þróun.

Áhersla á áskoranir

Tilfinning fyrir frumkvæði og frumkvöðlahugsun er ekki bara til að skapa tækifæri heldur einnig til að bregðast við áskorunum (þ.e. efnahagslegum, félagslegum og menningarlegum).

Þegar um tækifæri er að ræða, finna frumkvöðlar skapandi/nýstárlegar lausnir sem efla og ýta enn frekar undir innri möguleika sama tækifæris.

Þegar kemur að áskorunum finna frumkvöðlar skapandi/nýstárlegar lausnir sem þarf að bregðast við rétt og tímanlega

Að lokum geta frumkvöðlar með framtíðarsýn breytt áskorunum í tækifæri til að nýta enn frekar það félags-, efnahagslega og menningarlega vistkerfi sem þeir starfa í.

Þarfir í dulargervi 

Samkvæmt skilgreiningu, eru “þarfir” mitt á milli tækifæra og áskorana, allt eftir eðli þeirra og umfangi.

Oftast eru það frumkvöðlar sem takast á við þarfir og tækifæri, þar sem þeir hafa einstaka getu til að tækla hin ýmsu áhugasvið, með nýjum, fáguðum, grípandi og notendavænum lausnum. Afhjúpun þarfa kreftst ítarlegrar greiningar á markaði, atvinnulífi og iðnaði sem er algengt í verkfærakistu markaðsfræðanna.

Almennt leita frumkvöðlar dags-daglega að óuppfylltum þörfum sem þeir geta mætt, á undan (og betur) en samkeppnisaðilar á markaðnum.

Samkeppnisforskot margra fyrirtækja og stórra stofnana felst í því að þeir hafa tekið „fyrstir af skarið“ í tilteknum geira, en taka á meðan áhættuna á að gera tilraunir með hið óþekkta án þess að reiða sig á lærdóm annarra og góða starfshætti í sama samhengi.

Að greina samhengið

Burtséð frá uppruna og „rótum“ frumkvöðlastarfsins (tækifærum, áskorunum, þörfum), þá snýst það fyrst og fremst um að skapa verðmæti fyrir stofnunina og það fólk sem tengist henni. Það snýst einkum um að tileinka sér menningu sem er opin, næm og móttækileg fyrir innri veikleikum og ytri ógnunum.

Það er tiltölulega auðvelt að skilgreina styrkleika og tækifæri miðað við ógnanir og veikleika, þar sem greining á ógnunum og veikleikum er gerð af frumkvöðlum sem taka inn í myndina sinn eigin ótta og hlutdrægni, sem yfirleitt er litið framhjá eða vanmetið.

Greining samhengis þarf að taka tillit til smáatriða jafnt og „stóru myndarinnar“, samvirkni þeirra og innbyrðis tengsla.

Vertu opin/nn og forvitin/nn

"Það mikilvægasta er að hætta ekki að efast. Forvitni hefur sinn eiginn tilverurétt. Maður getur ekki annað en verið agndofa þegar maður íhugar leyndardóma eilífðarinnar, lífsins, hinnar undursamlegu byggingu veruleikans. Það er nóg ef maður reynir að skilja aðeins lítið brot af þessum leyndardómi á hverjum degi."

Albert Einstein

Frumkvöðlar munu aldrei geta fundið nýjar leiðir til að skapa verðmæti úr tækifærum, áskorunum og þörfum ef þeir eru ekki tilbúnir til að opna sig fyrir umhverfinu í kring.

Gefðu þér tíma til að kynna þér nýja strauma, það sem fólk hefur brennandi áhuga á, áhuga samfélagsins, allt það sem er að gerast þarna úti...

Þróaðu hugmynd

Mannskepnan er u.þ.b. 200.000 ára gömul. Það er í erfðamengi okkar að koma með aðrar og nýstárlegar lausnir til framfara og til að þróast sem lifandi verur.

Frá uppgötvun hjólsins til landvinninga geimsins hættum við aldrei að þróa nýjar hugmyndir til að víkka sjóndeildarhring tækifæra okkar.

Frumkvöðlastarf snýst um að prófa, gera tilraunir og sannreyna nýjar hugmyndir til að skapa verðmæti til að viðhalda tæknilegri og félagslegri þróun samfélaga okkar. Mistök eru hluti af ferlinu, en í stað þess að líta á það sem ógn, eru mistök tækifæri fyrir dýrmæta endurgjöf og lærdóm sem eykur færni, þekkingu og sjálfstraust.

"Mér hefur ekki mistekist tvö þúsund sinnum að búa til ljósaperu; Ég lærði einfaldlega nítjánhundruðníutíu og níu leiðir að því hvernig ljósapera ætti ekki að vera gerð."

Thomas Edison

Að skilgreina vandamál

Það er sagt að aðeins með því að þekkja eðli vandamálsins, ertu komin/nn hálfa leið að lausninni.

Frumkvöðlar geta yfirleitt ekki komið með lausnir á óskilgreindum vandamálum, þeir þurfa að vera vel meðvitaðir um „hvað þeir eru að fást við“ áður en þeir nálgast viðfangsefnið. Misskilningur á því um hvað er að ræða getur valdið sóun á tíma og fjármagni.

Vandamál og áskoranir koma í formi strendings þar sem hver yfirborðsflötur hefur sína eiginleika og mynda þannig flókið fyrirbæri.

Kerfisbundin hugsun er verkfæri til að minnka rangfærslur sem gætu leitt til þess að frumkvöðlar hverfi frá hentugustu lausninni.

Gildi hönnunar

Undanfarið virðist design thinking vera mjög endurtekið tískuorð meðal fræðimanna og fagfólks.

Design thinking snýst um vitræna, tæknilega og stefnumótandi ferla/verkefni sem leiða til þróunar innviða, vara og þjónustu.

Einnig er hægt að beita design thinking á „hugmyndir sem skapa virði“. Viðmið fyrir design thinking sem margir sækja sér innblástur til er sett fram af Design Thinking Lab við Stanford háskóla (almennt nefnt d.school)

Source: https://dschool.stanford.edu/

Vertu nýjungagjarn

Algengt er að tala um fjórar megin tegundir nýsköpunar:

1. STIGVAXANDI: algengasta form nýsköpunar. Það samanstendur af þekktri tækni - sem beitt er á þekktum markaði - en uppfærð með nýjum eiginleikum og einkennum.

2. KLJÚFANDI: er ekki eins algeng og stigvaxandi, en samt nokkuð algeng. Hún samanstendur af nýrri tækni sem er beitt á þekktum mörkuðum.

3. ARKITEKTA: er aðeins fágaðri miðað við stigvaxandi og klúfandi þar sem hugmyndin felur í sér beitingu og hagnýtingu núverandi tækni á nýjum mörkuðum (t.d. til að nýta stærðarhagkvæmni, umfangshagkvæmni og reynslu)

4. RÓTTÆK: nýsköpun samkvæmt skilgreiningu. Ný tækni notuð á nýja markaði.

Sjáðu fyrir þér…

Eins og einhver sagði, ímyndunaraflið er mikilvægara en þekking...

Ímyndunaraflið er nauðsynlegt í frumkvöðlastarfi og stjórnun fyrirtækja. Ímyndunaraflið nær yfir marga af þeim þáttum og þráðum sem fylgja EntreComp.

Ef litið er á hvert atriði fyrir sig má túlka ímyndunarafl sem hæfileika til að:

Að koma auga á verðmæti hugmynda 

Þetta þrep táknar „sölupunkt“ viðskiptahugmyndarinnar og verðmæti hennar.

Frumkvöðlar geta talað um stofnanir sínar og verkefni til að veita öðrum innblástur og eldmóð. Þessi frásögn hefur í raun og veru mikil áhrif þegar til dæmis frumkvöðlar hitta í eigin persónu mikilvæga opinbera hagsmunaaðila og/eða einkafjárfesta.

Gildi hugmynda byggir á því hvernig þessar hugmyndir geta skapað verðmæti, fyrir stofnunina og alla þá sem koma að málinu (þ.e. starfsmenn og samfélagið í heild).

Arðsemi stofnunarinnar er ekki það sama og endanlegt gildi hennar: viðskiptamódel sem mótar og nýtir framboð  stofnunarinnar, stuðlar að frammistöðu hennar. Frammistaðan er mæld með tilliti til skilvirkni ferla, skilvirkni niðurstaðna og samfélagslegs ávinnings.

Að deila og vernda hugmyndir

Hægt er að skipta þessari hæfni í tvo hluta:

Siðferðileg og sjálfbær hugsun

Siðferði er útbreitt viðfangsefni í stjórnun fyrirtækja. Það á við í allri starfsemi frumkvöla. Í þessu samhengi þýðir siðferðileg hugsun að starfa í samræmi við almennt siðferði, jafnvel settar ofar hvers kyns hagnaðardrifnum hagsmunum.

Siðferðileg ákvarðanataka ætti að vera sett skör ofar en ákvarðanataka sem leidd er af hagnaðarsjónarmiðum. Í dag eru umræður með áherslu á samfélagsábyrgð fyrirtækja enn mikilvægari en áður þar sem samfélög eru að verða sífellt viðkvæmari fyrir ýmsum samfélagsmálum:

Að meta áhrif

Það er mjög algengt nú á dögum að stofnanir skili árlegri samfélagsskýrslu ásamt hefðbundnum ársreikningum.

Samfélagsskýrsla er lögð fram af fúsum og frjálsum vilja og leggur áherslu á viðleitni stofnunarinnar hvað varðar samfélagslega ábyrgð og umhverfislega sjálfbærni. Með þessu skjali gera frumkvöðlar sýnilega skuldbindingu sína til að takast á við og grípa inn í félagsleg málefni.

Þannig sýnir stofnunin fram á þá vinnu sem á sér stað að þeim gildum sem stofnunin stendur fyrir. Samfélagsskýrslan eykur áreiðanleika og traust stofnunarinnar meðal almennings og er jákvæð fyrir orðspor hennar.

Ábyrgð

Frumkvöðlar sem taka ábyrgð styrkja beinar samskiptaleiðir við hagsmunaaðila sem gætu haft áhuga á sjálfbærni og samfélagslegri ábyrgð stofnunarinnar.

Það skapar samband sem byggir á trausti og auðveldar upplýsingamiðlun og gagnkvæmt gagnsæi, tvíhliða þátttöku og áreiðanleika.

Frumkvöðlar eru fullkomlega meðvitaðir um áhrif þess að skilja á milli framleiðslu, útkomu og áhrifa. Þeir geta greint á hvaða stigi starfsemi þeirra vandamálin liggja.