Markmið þín verða að vera skýr. Reyndu að forðast orð eins og “meira”, notaðu frekar ákveðnar tölur.

Settu þér líka undirmarkmið þ.e. skamm- og miðtímamarkmið að ná á leiðinni að langtímamarkmiði þínu.

Skilgreindu nákvæmlega hvenær markmiðum er náð svo það sé skýrt og greinilegt að hverju þú vinnur. Mikilvægt er að einbeita sér að því sem skiptir máli.

Í markmiðum þínum ætti að felast áskorun. Það hefur hvetjandi áhrif og veitir þar með orku, stuðlar að samstöðu og að réttri stefnu sé haldið. Of háleit markmið, sem jafnvel er ómögulegt að ná, geta leitt til streitu og uppgjafar. Því skaltu vera varkár í markmiðasetningu.

Settu þér skamm- og miðtímamarkmið sem náð verður á leiðinni að lokamarkmiðinu. Hversu langan tíma tekur að ná í endamarkið fer eftir eðli verkefnisins. Langtímamarkmið er lokaskrefið í markmiðasetningu.

Markmið snúast ekki bara um fjárhagslegan ávinning eða sölutölur heldur líka um sjálfbærni, markaðssetningu og gott starfsumhverfi.

Skamm- og miðtímamarkmið eru viðmiðunarpunktar sem styðja langtímamarkmiðið. Slík markmið gætu til dæmis verið hvenær á að byrja á nýjum verkefnum í fyrirtækinu þínu.

Öll markmið ættu að bæta hvert annað upp, skamm- og miðtímamarkmið ættu þannig að styðja við langtímamarkmiðið.

Sérhvert markmið, til skemmri, meðal eða lengri tíma, er því mikilvægt. Ein leið til að missa ekki móðinn er að íhuga og skrifa niður hvað mun gerast þegar hverju markmiði er náð.

Markmið þín ættu að vera mælanleg svo þú getir auðveldlega séð hvenær þú hefur náð hverju markmiði.

Vertu viss um að allir sem koma að fyrirtækinu skilji öll markmiðin.

Taktu ákvörðun um hver beri ábyrgð á hverjum verkþætti. Eftir því sem mögulegt er ætti að gera einstaklinga ábyrga fyrir þeim sviðum sem best falla að færni þeirra og áhuga.

Hvaða færni vantar þig?

Komdu upp tengslaneti með fólki sem býr yfir hæfni sem þig vantar. Leitaðu fyrst innan fyrirtækis þíns. Eru mögulega nú þegar einstaklingar sem hafa þessa færni þar? Ef ekki, getur verið að einhvert ykkar þekki til einstaklings með réttu hæfileikana?

Gerið aðgerðaáætlun í sameiningu – ræðið, skoðið , skrifið niður, haldið einbeitingu og spyrjið spurninga. Um leið og eitthvað nýtt kemur fram er því bætt á listann.

Setjið tímamörk. Metið og ákveðið hversu mikill tími hentar fyrir hvern verkþátt.

Farið yfir málin. Hvað er mikilvægast að gera? Hvað mætti geyma þar til síðar? Þú munt alltaf standa frammi fyrir mörgum verkefnum, því skiptir forgangsröðun máli. En hvað er mest áríðandi?

Nú gerið þið áætlun; hvenær á að gera hvað, það er að segja í hvaða röð á að framkvæma verkþættina. Ólíkar leiðir eru færar til að gera áætlanir. Á netinu eru aðgengileg verkfæri sem stuðla að góðu skipulagi, til dæmis Gantt.

Gantt tafla (chart) er verkfæri sem getur hjálpað þér að skilgreina, forgangsraða og skipuleggja starfsemi þína. Ritið er myndræn lýsing á tímaáætlun skipulagðra aðgerða.  

Gífurlega mikilvægt er að halda sig við áætlunina.